Nich henslatern
met energie

Doerzame Energiesystemen

A’j wat met doerzame energie wilt, mu’j bie ons wean. O’j der noe bie thoes met gangs wilt of veur et bedrief, wiej helpt oe an zunneplaten. Onze verneiende akku’s van Pixii hebt ze speciaal zo oetdacht da’j der zakelik wat met köant. Onze zunnepanelen skealt oe nich enkel in de knip, mer bint ok better veur et milieu. Da’s ja dubbel winst.

Doot ons vandage nog bod a’j wetten wilt hoodöanig as wiej oe helpen köant met oaverstappen op doerzame energie.

Stroom opsloan met zakelike akkupakketten

Et stroomopslagsysteem Pixii hebt ze oetdacht in Noorweagen. Seed 2018 bint ze gangs in onder meer Noorweagen, Zweden en Finland. Et begun veur Pixii in de telekommarkt, vanoet et merk Eltek. Dee ear krachtumzetsystemen kent ze inmiddels wal bie alle telekomanbeders van Europa. Ze deuden et spul der achterhen in 2013 en begunnen toen met energieopslagsystemen. Vandaag ’n dag kan et mer zo wean da’j een koppel van ear techneuten bie Pixii tegenkomt.

Wat et Pixii-systeem anders maakt as anderen is dat allens makkelik op mekander an te sloeten is, et vermeugen van et systeem eaven good as de batteriejen. Dat kent ze nog vanoet de telekom. Zo kö’j et systeem oetbreiden of kleinder maken, net zo as et oe oetkump. Et is ja lastig skatten hoo as et bedrief der met 5 joar oetzut, dus is op- en ofskoalen wal handig. Met andere systemen mu’j et doon met wa’j der bie anvang toolegt. Peak shaving, stroomopslag oet zunneplaten, Rap EV-laden, laadverdeling en voltage-stut, et kan allemoal met et standaard Pixii-systeem.

Met Pixii kö’w ok verskillende markten met op, zo as onder meer de onbalansmarkt, frequentiemarkt en de day aheadmarkt. A’j de batteriejen anbeedt vuur de verskillende handelsplatforms a’j der zölf eaven niks met doot, he’j de kösten der zo wier oet. Met vief joar, dat mut lukken. Wiej kent der genog dee as et oe al vanof 50kWh terecht maakt.

Zunne-energie in hoes of an de zaak

Wo’j ook et gemak en veurdeel van zunne-energie?  Vos Energie Groep legt oe kwaliteitsweark an zunneplaten op et dak van et hoes of de bedriefshal. Onze vakleu legt ze oe zo too da’j der et meeste oethaalt.

Dat doot wiej nich op ’n automatischen piloot. Wiej kiekt met wat veur zunnepanelen oe et beste passen köant. Wiej stuurt oe ok nich jan en alleman et dak op. Wiej wearkt met onderannemmers dee as et anvatt zo as wiej dat zelf geern zeet.

Wij zijn wel thuis voor een vrijblijvende afspraak.